Osmani takon zëvendëspresidenten e SHBA-së: I përcolla mirënjohjen e thellë të Kosovës
(Lajm i përditësuar)
Samiti për Ukrainën, Osmani takon zëvendëspresidenten e SHBA-së Kamala Harris
Presidentja e Kosovës Vjosa Osmani gjatë Samitit të Paqes për Ukrainën në Zvicër, ka takuar zëvendëspresidenten e SHBA-së, Kamala Harris.
Osmani në një postim në Facebook ka zbuluar detaje nga biseda me zëvendëspresidenten amerikane.
“I përcolla mirënjohjen e thellë të popullit të Kosovës për mbështetjen e palëkundur dhe miqësinë tonë të përjetshme”, ka shkruar Osmani.
Më shumë se 100 vende dhe organizata janë mbledhur në samitin e madh në Zvicër kushtuar përcaktimit të një rruge drejt paqes midis Ukrainës dhe Rusisë, por nuk do të ketë asnjë delegacion nga Moska.
Presidenti Zelensky synon të përdorë takimin, i cili po mbahet pranë Lucernit, për të mbështetur planin e paqes prej 10 pikash që ai përshkroi për herë të parë në fund të vitit 2022.
Krerët e shteteve dhe qeverive nga disa shtete evropiane, duke përfshirë Francën, Gjermaninë dhe Britaninë e Madhe po bashkohen gjithashtu, si dhe kryeministri japonez Fumio Kishida.
Plani i Zelensky përfshin kërkesat për ndërprerjen e armiqësive, rivendosjen e integritetit territorial të Ukrainës, tërheqjen e trupave ruse nga toka ukrainase dhe rivendosjen e kufijve të Ukrainës me Rusinë e paraluftës. Ai gjithashtu bën thirrje për krijimin e një gjykate speciale për të ndjekur penalisht krimet ruse të luftës.
Samiti i Paqes, Osmani: Rikonfirmojmë mbështetjen për lirinë e Ukrainës
Presidentja e Zvicrës, Viola Amherd dhe presidenti i Ukrainës, Volodymyr Zelensky organizuan sot pritje për liderët pjesëmarrës të Samitit të Paqes, në mesin e të cilëve edhe presidentja e Kosovës, Vjosa Osmani.
Më shumë se 100 vende dhe organizata janë mbledhur në samitin e madh në Zvicër kushtuar përcaktimit të një rruge drejt paqes midis Ukrainës dhe Rusisë, por nuk do të ketë asnjë delegacion nga Moska.
Osmani sot është pritur nga Presidentja e Zvicrës, Viola Amherd dhe Presidenti i Ukrainës, Volodymyr Zelenskyy.
“Ne jemi këtu për të rikonfirmuar mbështetjen tonë për lirinë e Ukrainës!”, ka thënë Osmani,
Presidenti Zelensky synon të përdorë takimin, i cili po mbahet pranë Lucernit, për të mbështetur planin e paqes prej 10 pikash që ai përshkroi për herë të parë në fund të vitit 2022.
“Gjithçka për të cilën do të bihet dakord në samitin e sotëm do të jetë pjesë e procesit të krijimit të paqes për të cilin të gjithë kemi nevojë”, tha Zelensky në një konferencë shtypi me presidenten zvicerane Viola Amherd përpara fillimit të samitit. “Unë besoj se ne do të jemi dëshmitarë të krijimit të historisë këtu.”
Shumica e qeverive perëndimore kanë dërguar përfaqësues në një nivel të lartë. Zëvendëspresidentja e SHBA-së Kamala Harris po merr pjesë dhe njoftoi se Uashingtoni do të furnizojë Kievin me një paketë ndihme prej më shumë se 1.5 miliardë dollarë.
Krerët e shteteve dhe qeverive nga disa shtete evropiane, duke përfshirë Francën, Gjermaninë dhe Britaninë e Madhe po bashkohen gjithashtu, si dhe kryeministri japonez Fumio Kishida. Megjithatë, Kina nuk do të merr pjesë. Ajo ka thënë se çdo takim i tillë duhet të marrë pjesë si nga Rusia ashtu edhe nga Ukraina.
Plani i Zelensky përfshin kërkesat për ndërprerjen e armiqësive, rivendosjen e integritetit territorial të Ukrainës, tërheqjen e trupave ruse nga toka ukrainase dhe rivendosjen e kufijve të Ukrainës me Rusinë e paraluftës. Ai gjithashtu bën thirrje për krijimin e një gjykate speciale për të ndjekur penalisht krimet ruse të luftës.
Të premten, një ditë para fillimit të samitit, presidenti rus Vladimir Putin ritheksoi planin e paqes të Kremlinit, për të cilin Ukraina nuk ka gjasa të pranojë ndonjëherë. Putin kërkon më shumë tokë për t’i dhënë fund luftës në Ukrainë, termat që Kievi i kundërshton si “mashtrim i plotë”.
Propozimi bën thirrje që trupat ukrainase të tërhiqen nga katër rajone jugore dhe lindore të territorit ukrainas që Moska tha se do t’i aneksonte në kundërshtim me ligjin ndërkombëtar dhe kërkon që Kievi të braktisë ofertën e tij për t’u bashkuar me NATO-n.
