🇽🇰 Kosova
Para nisjes për në Hagë, komandantët vizitohen nga Haradinaj
nga Kaltrina Berila13 janar 2019
“Së bashku do të dalim faqebardhë edhe në këtë sfidë”
Sot do të udhëtojnë drejtë Hagës dy ish-komandantët e Ushtrisë Çlirimtare të Kosovës, Sami Lushtaku dhe Rrustem Mustafa.
Para nisjes së Lushtakut dhe Mustafës për në Hagë, kryeministri i Kosovës, Ramush Haradinaj i vizitoi ata.
“Sot, kam vizituar dy komandantët e UÇK-së, Sami Lushtakun dhe Rrustem Mustafën. Se lufta jonë çlirimtare ishte e pastër dhe e shenjtë do të dëshmohet fuqishëm gjithnjë e kurdoherë! Së bashku do të dalim faqebardhë edhe në këtë sfidë!”, ka shkruar Haradinaj në “Facebook”.
Gjykata Speciale e ka ftuar Lushtakun dhe 10 luftëtarë të tjerë për t’u intervistuar. Rrustem Mustafa do të intervistohet nesër, ndërsa Lushtaku të mërkurën./21Media
