Një person është plagosur pas të shtënave me armë zjarri në një lokal në Lipjan, të enjten në mbrëmje.
Lajmin për portalin rtv21.tv e ka konfirmuar zëdhënësja e policisë për rajonin e Prishtinës, Flora Ahmeti.
Ajo ka thënë se Policia ka nisur hetimin lidhur me rrethanat e ngjarjes.
I plagosuri është dërguar për trajtim mjekësor.
“Rreth orës 22:00 kemi marrë informatën për të shtëna me armë zjarri,në një lokal në Lipjan. Njësitet policore menjëherë kanë dalë në vendin e ngjarjes, nga ku është raportuar për një person të plagosur. Personi i plagosur, (mashkull), është dërguar për trajtim mjekësor, ndërkohë policia ka nisur një hetim lidhur me rrethanat e kësaj ngjarje”, ka thënë Ahmeti.