(Lajm i përditësuar)
Plagosje me armë zjarri në Dragodan, Policia jep detaje
Zëdhënësi i policisë për Rajonin e Prishtinës, Agron Borovci ka dhënë detaje për plagosjen me armë zjarri që ndodhi sonte në Dragodan.
Borovci ka bërë të ditur se i plagosuri është dërguar në QKUK për trajtimin e nevojshëm mjekësor.
Gjithashtu bëhet e ditur se policia ka identifikuar një të dyshuar të përfshirë në rastin në fjalë, po ashtu edhe dy vetura.
”Rreth orës 19:00, është raportuar për shkrepje të armës së zjarrit në rrugën “Mine Peza” në Prishtinë. Me të marrë informatën, policia ka dalë në vendin e ngjarjes dhe nga informacionet e para është bërë e ditur se një person është plagosur nga arma e zjarrit dhe se i njëjti është dërguar në QKUK për trajtimin e nevojshëm mjekësor. Aktualisht policia ka identifikuar një të dyshuar të përfshirë në rastin në fjalë, po ashtu edhe dy vetura, ndërkaq po vazhdon punën e saj operativo-hetimore si dhe të ekzaminimit të vendngjarjes me qellim të sqarimin e plotë të rrethanave që karakterizojnë ngjarjen”, tha zëdhënësi i policisë për Rajonin e Prishtinës, Agron Borovci.
Plagosje me armë zjarri në Dragodan
Mbrëmjen e sotme u dëgjuan të shtëna me armë zjarri në Dragodan të Prishtinës.
Sipas informacioneve të siguruara nga RTV21 nga këto të shtëna ka mbetur i plagosur një person.
Portali rtv21.tv ka dërguar pyetje në Policinë e Kosovës për detaje tjera lidhur me rastin, por ende nuk ka marrë përgjgije.
