​Prokuroria për incidentin në Skenderaj: Po intervistohen të dyshuar dhe dëshmitarë

Prokuroria Themelore në Mitrovicës po heton incidentin e sotëm në Skenderaj, në të cilin u përfshinë kryetari i Skenderajt Sami Lushtaku dhe zëvendësministri në detyrë Hysni Mehani, i cili po mjekohet në spital.

Lajmin e konfirmoi zëdhënësi i Prokurorisë Themelore të Mitrovicës, Valon Preteni.

“Për rastin në fjalë prokurorja kujdestare tërë ditën ka qenë në Skënderaj ku janë mbledhur prova dhe të dhëna tjera relevante për rastin, pasdite ka filluar dhe po vazhdon intervistimi i të dyshuarve, dëshmitarëve dhe viktimave në këtë rast”, tha Preteni.