Presidenti ukrainas, Volodymir Zelensky thotë se çdo ditë ka humbje jete në Ukrainë dhe Perëndimi vonon të ushtrojë më shumë presion mbi Rusinë.
“Vetëm shikoni situatën tani. Shikoni numrin e javëve që Bashkimi Evropian është përpjekur të bie dakord për paketën e gjashtë të sanksioneve kundër Rusisë”, tha Zelensky në një video mesazh, shkruan BBC.
Tashmë ka kaluar gati një muaj që kur shefja e Komisionit Evropian, Ursula von der Leyen njoftoi propozimet për ndalimin e importeve të naftës ruse. Por pse i është dashur kaq shumë BE-së që të miratohen masa të tilla?
Rezistenca nga vendet e varura nga nafta ruse veçanërisht Hungaria ka bërë që të mos ketë një marrëveshje unanime. Sllovakia dhe Republika Çeke janë ndër të tjerat që kanë shprehur shqetësim.
Udhëheqësit e BE-së do të takohen të hënën./21Media
