Publikohen pamje të arit të sekuestruar në argjendaritë e rajonit të Gjilanit
(Lajm i përditësuar)
Dogana e Kosovës ka publikuar pamje të arit që është sekuestruar në disa argjendari në rajonin e Gjilanit.
Policia sot përmes raportit 24 orësh njoftoi se janë bastisur 7 lokacione ku janë gjetur dhe sekuestruar mbi 33 kilogramë ari, mbi 14 mijë euro dhe mbi 9 mijë franga.
Policia arreston 6 persona në Gjilan, sekuestron mbi 33 kg ari dhe mijëra euro
Policia e Kosovës ka njoftuar se ditën e shtunë ka kryer disa kontrolle në shtatë lokacione në komunën e Gjilanit, pas dyshimeve që disa argjendari po ushtronin tregti të paligjshme.
Si rezultat i kontrolleve, policia ka arrestuar gjashtë persona, ka sekuestruar përkohësisht mbi 33 kilogramë ari, mbi 14 mijë euro dhe mbi 9 mijë franga zvicerane.
“Gjilan, 01.06.2024-15:00. Sektori për Hetimin e Korrupsionit i Policisë së Kosovës në koordinim me Doganën e Kosovës pas pranimit dhe verifikimit të informatës për dyshim për Tregti të paligjshme nga disa biznese që ushtronin veprimtarinë argjendarive, kanë ndërmarrë veprime operacionale në rajonin e Gjilanit duke kontrolluar shtatë (7) lokacione të ndryshme me ç’rast gjatë kontrollit janë gjetur dhe sekuestruar përkohësisht: 33kg e 310 gram ari (tridhjetë e tre kilogram e treqind e dhjetë gram ari), 14.650.00€ dhe 9.720.00 franga zvicerane”, bëhet e ditur në njoftim.
