Rrahje masive në Prishtinë – dy të lënduar dhe dy të arrestuar
Një rrahje masive ka ndodhur mëngjesin e sotëm në Prishtinë, konkretisht te rrethi i Flamurit.
Rastin për portalin rtv21.tv e ka konfirmuar zëdhënësja e Policisë për rajonin e Prishtinës, Flora Ahmeti.
Sipas Policisë si pasojë e kësaj rrahje dy persona kanë pësuar lëndime.
“Sot rreth orës 09:30 është pranuar informata për një rrahje te rrethi i Flamurit në Prishtinë. Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes dy persona janë lënduar dhe të njëjtit menjëherë kanë pranuar trajtimin e nevojshëm mjekësor”, ka thënë Ahmeti.
Ahmeti ka bërë të ditur se lidhur me këtë rast policia ka shoqëruar në stacion policor dy persona (njëri prej të lënduarve) , të cilët ishin të përfshirë në rast.
Aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./21Media
