Policia e Kosovës ka njoftuar se një granatë ka shpërthyer në rrugën “Fahri Fazliu” në Prishtinë.
Dy persona kanë deklaruar në Polici se nga shpërthimi janë dëmtuar pronat e tyre.
Rasti ka ndodhur dje gjatë ditës.
Sipas njoftimit të Policisë, ende nuk dihen rrethanat për shpërthimin e granatës.
“Njësitet policore pas pranimit të informatës për një shpërthim, kanë dalë në vendin e ngjarjes, dhe kanë takuar dy ankuese kosovare, të cilat kanë deklaruar se si pasojë e shpërthimit në afërsi të shtëpive të tyre u janë shkaktuar dëme materiale në pronat e tyre dhe në një veturë. Në vendin e ngjarjes kanë dalë edhe njësitet e PK-së për deminim, ku dyshohet se mjeti shpërthyes ka qenë garantë dore, i cili ka shpërthyer në rrethana (ende) të panjohura. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në raportin ditor të PK-së./21Media
