Hahn gjatë vizitës në Kosovë do të takohet me krerët e shtetit
Komisioneri i Bashkimit Evropian për Zgjerim, Johannes Hahn do të qëndrojë sot për vizitë në Kosovë.
Hahn gjatë kësaj vizite në Kosovë do të takohet me krerët e shtetit. Takimi i tij me presidentin Hashim Thaçi, i paraparë të fillojë në orën 13:15 është shtyrë për në orën 16:00.
“Për shkaqe objektive, takimi i paraparë i presidentit Thaçi për t’u mbajtur në orën 13:15 me komisionerin Hahn, është shtyrë për në orën 16:00 të ditës së sotme”, bëhet ditur në komunikatën për media.
Fokusi kryesor i vizitës së Komisionerit Johannes Hahn do të jetë në vendimin e Qeverisë së Kosovës për vendosjen e taksës 100 përqind për mallrat nga Serbia dhe Bosnja e Hercegovina. Ai gjatë vizitës pritet ta përsërisë thirrjen për revokimin e taksës dhe të nënvizojë nevojën për fokusim në përmirësimin e marrëdhënieve fqinjësore dhe bashkëpunimin rajonal./21Media
