Sot hyn në fuqi ”e diela ditë jo pune” – Inspektorati fton punëtorët të paraqesin shkeljet!

Sot do të jetë e diela e parë jopune. Inspektorati i Tregut u bëri thirrje të gjithë punëtorëve të paraqesin çdo rast nëse ballafaqohen me shkelje të të drejtave të tyre, transmeton TV21.
Me hyrje në fuqi të ndryshimeve dhe plotësimeve ligjore, Inspektorati do të vendosë edhe kujdestari nëpër rajone.
Ata që do të punojnë të dielën në veprimtari në të cilat procesi tekniko-teknologji nuk mund të ndërpritet, do të duhet të marrin mëditje më të larta për 50% dhe duhet të ketë një ditë të lirë të cilën do të mund ta shfrytëzojnë brenda 7 ditëve të ardhshme./TV21