Të shtëna me armë zjarri në Kukës, dyshohet konflikt për vendparkim

Të shtëna me armë zjarri janë raportuar mbrëmjen e sotme në lagjen nr. 4 të qytetit të Kukësit.

Sipas burimeve paraprake, nuk ka persona të plagosur, ndërsa forcat e policisë ndodhen në vendngjarje dhe po hetojnë rrethanat e incidentit.

Mësohet se dyshohet për një konflikt të çastit mes disa personave, ku shkak mund të jetë bërë parkimi i automjeteve.

Aktualisht, policia po administron provat dhe po merr dëshmitë e banorëve në zonë. Pritet një komunikatë zyrtare nga policia e Kukësit në orët në vijim./oranews