Edhe Mali i Zi goditet nga tërmeti
Një tërmet me 3.3 ballë të shkallës së Rihterit ka goditur sonte Malin e Zi, njofton Sektori i Sizmologjisë i Institutit për Hidrometeorologji dhe Sizmologji në Podgoricë.
Epiqendra e tërmetit ishte 8 kilometra në veri të Podhum, një fshat afër Komunës së Tuzit në ora 21:13, raporton RTCG.
“Pika qendrore e këtij tërmeti ndodhet në një thellësi prej 22 km”, thuhet në njoftim.
Instituti thekson se bazuar në një model numerik të ndryshimeve në intensitet me distancën në këtë rajon, madhësinë e tërmetit dhe thellësinë, ky tërmet nuk mund të shkaktojë dëme materiale.
Ndryshe, sot gjatë ditës, disa tërmete tjera kanë goditur edhe Shqipërinë dhe Bosnjë-Hercegovinën.
