Policia e Kosovës ka njoftuar se dy burra janë therur me thikë, në dy raste të ndara që kanë ndodhur në Prishtinë, njëri të mërkurën e tjetri të enjten.
Për rastin e së mërkurës i dyshuari është arrestuar.
“Është raportuar se viktima mashkull kosovar është therur me thikë nga i dyshuari mashkull kosovar. I lënduari është dërguar për trajtim mjekësor. Me vendim të prokurorit i dyshuari është dërguar në mbajtje”, thuhet në raportin e Policisë.
Ndërsa rasti që ka ndodhur të enjten është duke u hetuar.
“Viktima mashkull kosovar është dërguar për tretman mjekësor në QKUK pasi që është therur me thikë nga i dyshuari mashkull kosovar. Rasti është duke u hetuar”, thuhet në raportin e QKUK-së.
