Një djalë 8-vjeçar ishte mes dy personave të vrarë nga granatimet ruse të qytetit Kherson të mërkurën, sipas zyrtarëve ukrainas.
Yaroslav Yanushevych, kreu i administratës ushtarake rajonale Kherson, tha se predha ruse kishin goditur ndërtesat e banimit në lagjen Dniprovskyi të qytetit, i cili u çlirua nga forcat ukrainase muajin e kaluar.
“Një fëmijë vdiq si pasojë e bombardimeve ruse. Mjekët u përpoqën ta ringjallën djalin për një orë”, tha ai, duke shtuar se një grua “u kap nga granatimet ruse teksa po kthehej në shtëpi. Ajo vdiq në vend nga plagët e marra.
Dy të tjerë u plagosën.
Sulmet ruse goditën gjithashtu ndërtesën e administratës rajonale në Kherson të mërkurën në mëngjes, mes një vale bombardimesh fatale në rajonin jugor të Ukrainës.
Të martën, Kherson u granatua 42 herë, sipas Yanushevych. Objektivat përfshinin një klub jahtesh, një kolegj, një shkollë dhe ndërtesa banimi. Një person ka mbetur i vrarë dhe një është plagosur./21Media
