Kryebashkiaku i Kievit tha se kryeqyteti po hyn në një “moment të rrezikshëm” dhe ka shpallur një shtetrrethim të vazhdueshëm nga sonte deri të enjten. Autoritetet thanë se katër persona u vranë mëngjesin e sotëm në sulmet e reja në qytet.
Bisedimet e paqes midis Kievit dhe Moskës vazhdojnë sot.
Mbretëria e Bashkuar sanksionon 370 rusë si dhe vendos kufizime të reja tregtare për mallrat luksoze ruse dhe vodkan, shkruan BBC, përcjell rtv21.tv
BE njoftoi një raund të katërt sanksionesh.
Kryeministrat polakë, çekë dhe sllovenë po udhëtojnë me tren për në Kiev, ku planifikojnë të takohen me Presidentin Volodymyr Zelensky.
Në Rusi, gazetarja që protestoi kundër luftës live në edicionin e lajmeve është aktualisht në gjyq, në një gjykatë në Moskë./21Media
