Gjermania e largon Kosovën nga lista e vendeve të rrezikuara

Nga nesër qytetarët e Kosovës do ta kenë më të lehtë udhëtimin për në Gjermani. Kjo pasi qeveria gjermane do ta largojë Kosovën nga lista e kuqe, e cila përbëhet nga vende që kanë shkallë të lartë të infektimit me koronavirusin COVID-19.
Instituti Robert Koch ka njoftuar se prej ditës së diel, pra më 24 tetor, Kosova do të hiqet nga lista e vendeve të rrezikuara.
Gjermania kishte futur Kosovën në listën e shteteve me rrezik të lartë më 22 gusht të këtij viti, pas rritjes së numrit të raste pozitive me koronavirus/21Media