Gjuriqi për ndalimin e referendumit në Kosovë: Sulm ndaj demokracisë
Ambasadori i Serbisë në Shtetet e Bashkuara të Amerikës, Marko Gjuriq vendimin e Kosovës për moslejimin e organizimit të referendumit të Serbisë në Kosovë e ka quajtur zhgënjyes dhe të pafalshëm
Në një postim në Twitter ai ka shkruar se vendimi i autoriteteve në Prishtinë për t’iu mohuar qytetarëve serbë të drejtën për të votuar në një referendum për ndryshimet kushtetuese në Serbi është përveç tjera jodemokratike.
Tutje ai ka shtuar se “nevojitet veprim nëse duam të parandalojmë përkeqësimin e mëtejshëm të situatës në muajt e ardhshëm”.
1/3
The decision of the authorities in Pristina to deny #Serbian citizens the right to vote in a referendum on constitutional amendments in #Serbia is inexcusable and disappointing.
Above all, it is undemocratic and undermines the longstanding good practice…— Марко Ђурић (@markodjuric) January 16, 2022
Kujtojmë se gjatë ditës së sotme, Serbia ka mbajtur referendumin për ndryshimet kushtetuese. Kuvendi i Kosovës me 76 vota pro, asnjë kundër dhe një abstenimi ka miratuar dje rezolutën kundër lejimit të organizimit të referendumit të Serbisë brenda territorit të Kosovës./21Media
