Osmani për Kukën dhe Krasniqin: Krenari dhe emocion i jashtëzakonshëm

Presidentja e vendit, Vjosa Osmani, ka uruar Driton Kukën dhe Distria Krasniqin pasi që u shpallën trajneri dhe xhudistja më e mirë në botë për vitin 2021 nga Federata Ndërkombëtare e Xhudos.
Osmani i ka quajtur këto rezultate historike për sportin në Kosovë.
“Kampionia olimpike, Distria Krasniqi, është përzgjedhur nga Federata Ndërkombëtare e Xhudos si xhudistja më e mirë në botë. Ndërsa, Driton Kuka, mjeshtri i xhudos, u zgjodh trajneri më i mirë në botë në këtë sport.Krenari dhe emocione të jashtëzakonshme! Kosova e artë”, ka shkruar Osmani në Facebook.
Fillimisht Driton Kuka u zgjodh trajneri më i mirë në botë për vitin 2021 në xhudo, ndërsa pas tij edhe Distria Krasniqi fitoi shumicën e votave në garën për xhudisten më të mirë në botë./21Media