Manchester City ka arritur një marrëveshje verbale me Wolves për të nënshkruar me mesfushorin Matheus Nunes për të cilin do të paguajë 55 milionë euro.
Marrëveshja për 25-vjeçarin nuk është arritur ende zyrtarisht, por negociata janë tashmë në përfundim e sipër.
Cityt i ishte refuzuar oferta e mëhershme për portugezin, me Wolves që besohet se kërkonte më shumë para, përcjellë KosovaPress.
Nunes ka munguar në stërvitje kohët e fundit pasi e bëri të qartë se dëshiron t’i bashkohet skuadrës së Pep Guardiolës.
Për më tepër, Wolves kanë rënë dakord të nënshkruajnë me lojtarin e Cityt Tommy Doyle si huazim.
City dëshironte të forconte repartin e mesfushës edhe përpara se Kevin de Bruyne të pësonte dëmtimin e kofshës.
